ငြိမ့်ငြိမ့်ညောင်းညောင်း ဂိမ်းကစားရတာကို နှစ်သက်သူများ အတွက် Bauhutte ဂိမ်းမင်းကုတင်

ငြိမ့်ငြိမ့်ညောင်းညောင်း ဂိမ်းကစားရတာကို နှစ်သက်သူများ အတွက် Bauhutte ဂိမ်းမင်းကုတင်

လက်ရှိအချိန်မှာ ဂိမ်းမင်းထိုင်ခုံတွေ (Gaming Chair) ကို နာမည်ကျော် ဂိမ်းမင်း ဆက်စပ်ပစ္စည်းတွေ ထုတ်လုပ် ရောင်းချလျက်ရှိတဲ့ ကုမ္ပဏီ အများစု အနေနဲ့ ထုတ်လုပ် ရောင်းချလျက် ရှိပေမယ့် ဂျပန်နိုင်ငံ အခြေစိုက် နာမည်ကျော် ဂိမ်းမင်း ပရိဘောဂတွေ ထုတ်လုပ်ရောင်းချလျက်ရှိတဲ့ ကုမ္ပဏီကြီး Bauhutte ကတော့ အများနဲ့မတူ တမူထူးခြားတဲ့ ဂိမ်းမင်းကုတင်ကို မိတ်ဆက်ပေးလိုက်ပြီ ဖြစ်ပါတယ်။

Bauhutte Simple Gaming Bed

Bauhutte ဂိမ်းမင်းကုတင်ကို Simple ဒါမှမဟုတ် Ultimate စတဲ့ အမျိုးအစား နှစ်ခုထဲက ကြိုက်နှစ်သက်ရာကို ရွေးချယ် ဝယ်ယူနိုင်မှာ ဖြစ်ပါတယ်။ Bauhutte Simple ဂိမ်းမင်း ကုတင်ရဲ့ အရှေ့ဘက်နဲ့ အနောက်ဘက် နှစ်ဖက်လုံးမှာ မော်နီတာနဲ့ နားကြပ်တင်ဖို့ အတွက် စားပွဲ နှစ်လုံး ပါဝင်မှာ ဖြစ်သလို ဖုန်းတင်ထားဖို့ အတွက်လည်း Bed Cell Phone Holder တစ်ခု ပါဝင်မှာ ဖြစ်ပါတယ်။

Bauhutte Simple Gaming Bed

Bauhutte Ultimate ဂိမ်းမင်း ကုတင်မှာလည်း Simple ဂိမ်းမင်းကုတင်မှာ ပါဝင်တဲ့ Features အားလုံး ပါဝင်မှာ ဖြစ်တဲ့အပြင် ဂိမ်းကစားရာမှာ ငြိမ့်ငြိမ့်ညောင်းညောင်း ကစားနိုင်စေဖို့ အတွက် ဧရာမ ခေါင်းအုံးကြီး တစ်လုံးလည်း ပါဝင်မှာ ဖြစ်ပါတယ်။

Bauhutte Ultimate Gaming Bed

ဒါ့အပြင် Bauhutte Ultimate ဂိမ်းမင်းကုတင်မှာ Simple ဂိမ်းမင်း ကုတင်မှာ ပါဝင်ခြင်း မရှိတဲ့ Keyboard တွေ၊ လိုအပ်တဲ့ ပစ္စည်းပစ္စယတွေ တင်နိုင်ဖို့ အတွက် ဘေးဖက်မှာ စားပွဲ အပိုတစ်လုံး ပါဝင်မှာ ဖြစ်ပါတယ်။

Bauhutte Ultimate Gaming Bed

Bauhutte Simple ဂိမ်းမင်းကုတင်ကို ဝယ်ယူချင်တယ် ဆိုရင်တော့ ကန်ဒေါ်လာ ၅၉၀ (မြန်မာငွေ ၈ သိန်းခွဲဝန်းကျင်) ဖြင့် ဝယ်ယူနိုင်မှာ ဖြစ်သလို Bauutte Ultimate ဂိမ်းမင်းကုတင်ကိုတော့ ကန်ဒေါ်လာ ၁၁၆၉ ဒေါ်လာ (မြန်မာငွေ ၁၇ သိန်းဝန်းကျင်) ဖြင့် ဝယ်ယူနိုင်မှာ ဖြစ်ပါတယ်။

တကယ်လို့ သင့်အနေနဲ့ Bauhutte ဂိမ်းမင်းကုတင်ကို ဝယ်ယူချင်တယ် ဆိုရင်တော့ ဒီလင့်ခ်ကနေ တစ်ဆင့် ဝယ်ယူနိုင်မှာ ဖြစ်ပါတယ်။

REF: OneEsports